काठमाडौँ, ३२ जेठ । उपप्रधान एवं गृहमन्त्री रवि लामिछानेले सिंहदरबार प्रवेशमा ई गेट पास लागु गरिएको बताएका छन ।
मन्त्रालय सम्हालेको १ सय दिनको अवसरमा आयोजित पत्रकार सम्मेलनमा मन्त्री लामिछानेले त्यसबारे जानकारी गराएको हो ।
मन्त्री लामिछानेले सिंहदरवार प्रवेशमा अब कसैलाई चिन्नु नपर्ने बताउदै उनले भने–‘सिंहदरबार पहुँचवालाको लागि मात्र प्रवेश पाउने निकाय थियो तर, अब त्यो अवस्था अन्त्य भएको छ ।’
सिंहदरबार प्रवेश गर्नुपर्ने काम र आफ्नो परिचयपत्र भएपछि कसैलाई चिन्नु नपर्ने मन्त्री लामिछानेले बताए । उनले भने– ‘आफ्नो मान्छे भएकाले मात्र प्रवेश पाउने व्यवस्था अन्त्य गर्न खोजेका हौँ, हर नागरिकका लागि सिंहदरबार खुला छ ।’
उनले सिंहदरबार छिर्न पहुँचवालाको सिफारिस नचाहिने बताए ।