इनरुवा, १३ असार । धरान–११ स्थित ज्ञानोदय माध्यमिक विधालयका एक शिक्षक यौन दुर्व्यवहार गरेको आरोपमा प्रकाउ परेका छन । शिक्षक गोपाल गुरागाईँ बाल यौन दुर्व्यवहारको आरोपमा पक्राउ परेका हुन ।

शिक्षक गुरागाईँलाई बुधवार दिउँसो इटहरी तरहरा स्थित आफ्नै घरबाट पक्राउ गरिएको सुनसरी जिल्ला प्रहरी कार्यालयका प्रवक्ता डिएसपी नवीनकृष्ण भण्डारीले बताए ।प्रवक्ता भण्डारीका अनुसार बाल यौन दुरव्यहारमा जाहेरी दर्ता भएपछि उनलाई अनुसन्धानका लागि पक्राउ गरिएको हो ।

बिधालयका छात्राहरूले शिक्षक गुरागाईँले अनावश्यक रूपमा शरीरका विभिन्न भागमा सुमसुम्याउने, स्कर्ट उचाल्ने, तिघ्रा सुमसुम्याउने गरेको बताएका थिए । शिक्षक गुरागाईँले ढाड, हात तथा शरीरका विभिन्न अङ्गमा सुमसुम्याउने गरेको विधार्थीहरुले बताए ।

आइतबार विद्यार्थीहरूले प्लेकार्ड सहित नारा जुलुस सहित पुगेर इलाका प्रहरी कार्यालय धरानमा जाहेरी दर्ता गराएका थिए ।