सुनसरी, २८ साउन । धनकुटाको साँगुरीगढी गाउँपालिका–६ स्थित भेडेटार बजारबाट प्रहरीले सात क्वीन्टल बढी परिमाणको गाँजा नियन्त्रणमा लिएको छ ।
सोमबार अपरान्ह धनकुटाबाट तरकारी बोकेको मालबाहक ट्रकमा राखिएको ७ सय ३६ केजी गाँजा भेडेटार प्रहरीले नियन्त्रणमा लिएको हो ।

तरकारीको बोरा भित्र लुएकार राखिएको गाँजा ना ८ ख १२६८ नंबरको ट्रकको चेकजाँचको क्रममा नियन्त्रणमा लिईएको जिल्ला प्रहरी कार्यालयका निमिक्त प्रमुख डिएसपी राजबाबु महर्जनले जानकारी दिए ।

ट्रक चालक धनकुटाको पाख्रिबास नगरपालिका–१० का सुजन भनिने टंकबहादुर मगर र ट्रक प्रहरीले नियन्त्रणमा लिएको छ ।