इनरुवा, २४ असोज । सुनसरीको हरिनगर गाउँपालिकाबाट ५० हजार नक्कली नोटसहित एक जना पक्राउ परेका छन् ।

पक्राउ पर्ने हरिनगर गाउँपालिका–७ बस्ने ३१ वर्षीय हजरूल खातुन रहेकी छन् । एक हजार दरका ५० थान नक्कली नोट र नियन्त्रित लागूऔषध नाइट्रोजन १ सय ट्याब्लेटसहित उनलाई प्रहरीले बुधवार पक्राउ गरेको हो ।

इलाका प्रहरी कार्यालय देवानगंज सुनसरी र प्रहरी चौकी घुस्कीहाटबाट खटिएको प्रहरीले उनको घर तलासी गर्दा उक्त नक्कली नोट फेला परेको हो । यस सम्बन्धमा प्रहरीले आवश्यक अनुसन्धान गरिरहेको छ ।