इनरुवा, २४ असोज । बोलेरो गाडी अनियन्त्रित भई दुर्घटना हुँदा सहचालकको मृत्यु भएको छ ।
सुनसरीको इनरुवा नगरपालिका ३ स्थित पूर्व–पश्चिम लोकमार्गमा मधेस प्र ०१–००१ च ०८४४ नम्बरको कुखुरा बोकेको बोलेरो अनियन्त्रित भई दुर्घटना भएको हो ।
दुर्घटनामा घाइते भएका सहचालक सप्तरी सुरुङ्गा नगरपालिका २ का २१ वर्षीय विजयकुमार चौधरीको जिल्ला अस्पताल इनरुवामा उपचारको क्रममा मृत्यु भएको हो ।
दुर्घटनाबाट घाइते भएका चालक राजबिराज नगरपालिका ६ का सञ्जीव साह हलुवाइको विराट नरसिंङ होम विराटनगरमा उपचार भइरहेको प्रहरीले जनाएको छ ।
घटना सम्बन्धमा जिल्ला प्रहरी कार्यालय सुनसरीबाट थप अनुसन्धान भइरहेको प्रहरीले जानकारी दिएकोछ ।