इनरुवा, १६ कर्तिक । भोक्राहा नरसिंह गाउँपालिका वडा नं.१ मा आगलागी भएको छ ।
शुक्रवार स्थानिय व्यपारी दिनेश साहको सनपाट (पटुवा) गोदाममा विधुट सर्ट भई आगलागी भएको भोक्राहा नरसिंह वडा नं.१ का वडा सदस्य अक्लु मेहताले जानकारी दिए ।
उनले आगलागी बाट सनपाट (पटुवा) गोदाम पूर्ण रुपमा जलेको बताए । धान गोदाममा पनि क्षति भएको छ । अनुमानित पाँच लाखको क्षति भएको उनले बताए ।
स्थानियबासी, नेपाल प्रहरी, बराहक्षेत्र नगरपालिकाको बारुणयन्त्रको सहयोगमा आगो नियन्त्रण गरिएको वडा सदस्य मेहताले जानकारी दिए ।