इनरुवा, १७ कार्तिक । सुनसरीको कोशी गाउपालिका ७ हरीपुरबाट प्रहरीले ट्रक सहित ३ सय ४० किलो गाँजा बरामद गरेको छ।

इलाका प्रहरी कार्यालय भाण्टावारी र अस्थाई प्रहरी पोष्ट हरिपुरको टोलीले पुर्वबाट पश्चिम तर्फ जादै गरेको प्रदेश १–०२–००२ ख ०४१४ नं. को ट्रकबाट गाँजा बरामद गरेको हो।

सुनसरी प्रहरीका अनुसार शंकालागि ट्रक रोक्न खोज्दा गाडी छाडेर चालक फरार भएका थिए । गाँजा उक्त ट्रकको माथिल्लो भाग छत भित्र फल्स बटम बनाई लुकाएर राखिएको अवस्थामा भेटिएको प्रहरीले जनाएको छ।