इनरुवा, २१ कार्तिक । देवानगञ्ज गाउँपालिका १ को वडा कार्यालय भवनको उद्घाटन गरिएको छ ।
मंगलबार संघिय स्वास्थ्य तथा जनसंख्या मन्त्री प्रदिप पौडेले नवनिर्मित वडा कार्यालय भवनको उद्वघाटन गरेको हो ।
उद्घाटन कार्यक्रममा कोशी प्रदेशका मन्त्री सदानन्द मण्डल, पूर्व राज्य मन्त्री सिताराम मेहता, नेपाली काग्रेसका केन्द्रिय सदस्य एवं पूर्व कोशी प्रदेश सांसद राजिव कोइराला, जिल्ला समन्वय समिति सुनसरीका प्रमुख राजन मेहता, नेपाली काग्रेस सुनसरी सभापति एवं इनरुवाका मेयर केदार भण्डारी, श्यामलाल मेहता लगायतको उपस्थिती रहेको जनाइएको छ ।
त्यस अवसरमा वडा दशैं, शुभ दिपावली एवं छठ पर्वको उपलक्ष्यमा शुभकामना आदानप्रदान कार्यक्रम समेत आयोजनमा गरिएको थियो ।