

इनरुवा, १८ चैत्र । सुनसरीको हरिनगर गाउँपालिका वडा नम्बर ५ वसन्तपुरमा आगलागी हुँदा १३ जनाको घर जलेर नष्ट भएको छ ।
आज दिउँसो ३ बजे स्थानिय सबिर मियाँको भन्सा घरबाट शुरु भएको आगलागीमा १३ परिवारको २९ वटा घर जलेर नष्ट भएको हो ।
आगलागीबाट जुबेर मियाँ, साबिर मियाँ, अबुहलिम मियाँ, इम्तियाज मियाँ, असफाक मियाँ, परवेज मियाँ, इरफान सकेन्दर, लगायतको घरमा जलेर नष्ट भएको स्थानियले जानकारी दिएको छ ।
आगलागीबाट लत्ताकपडा, नगद, गरगहना, धान, गँह, चामल लगायत घरायसी सरसमान पुर्ण रुपमा जलेर नष्ट भएको स्थानियले बताएका छन् ।
स्थानिय, प्रहरी, सशत्र प्रहरीको सहयोगमा आगलागी नियन्त्रण गरिएको स्थानियले बताएका छन ।
आगलागी भए लगत्तै हरिनगर गाउँपालिकाका अध्यक्ष हाजी गफार अन्सारीले पिडित परिवारहरुलाई तत्काल चाहिने राहत उपलब्ध गराएका छन ।