इनरुवा, १९ चैत । नेपाल कम्युनिष्ट पार्टी (एमाले) सुनसरी जिल्ला कमिटिले इटहरीमा भोली बृहत जनजागरण सभा गर्ने भएको छ ।
मंगलबार पत्रकार सम्मेलन मार्फत दिएको जानकारी अनुसार पार्टीको केन्द्रिय सर्कुलरले चैत २० गते बुधबार सुनसरीको इटहरीमा एमालेले बृहत जनजागरण सभा गर्ने तयारी गरेको हो ।
चैत्र १५ गते पूर्व राजा ज्ञानेन्द्र शाहको उक्साहटमा पूर्वराजावादीहरुको अराजक समुहले काठमाडौ तीनकुने, कोटेश्वर र जडिवुटी लगायतका क्षेत्रमा देखाएको उदण्डता, अराजकता र हिंसाको नेकपा (एमाले) सुनसरी जिल्ला कमिटी घोर भत्र्सना एवंम् विरोध गर्दै जनतालाई सचेतना र जागरणका लागि इटहरीमा बृहत जनजागरण सभा गर्ने लागेको पार्टीका सुनसरी सचिव राम कोईरालाले जानकारी दिए ।
पत्रकार सम्मेलनमा कार्यवाहकअध्यक्ष पर्शुराम यादवले नेकपा (एमाले) सुनसरी लोकतान्त्रीक गणतन्त्र र नेपालको संबिधानको रक्षाका लागि दृढतापूर्वक उभिने सङ्कल्प गर्दै इटहरीमा बृहत जनजागरण सभा गर्न लागेको बताए ।