इनरुवा, ४ चैत्र । सुनसरीको बर्जु ४ स्थित जयनगर मुस्लिम टोलमा आगलागीबाट २७ घर जलेर नष्ट भएको छ ।

आइतबार दिउँसो ३ बजेपछि स्थानीय बिष्णुदेव पौदारको घरबाट सुरु भएको आगो बस्तीमा फैलिएको थियो । आगलागीबाट बस्तीका अधिकांश घर पूर्णरुपमा जलेको प्रहरीले जनाएको छ ।

विराटनगरसहित विभिन्न पालिकाबाट पुगेका ६ वटा दमकलले आगलागी नियन्त्रणमा लिएको सुनसरी प्रहरीले जानकारी दिएको छ ।एकैठाउँमा घरहरू टाँसिएका कारण वस्तीभरी आगो फैलिएको बुझिएको छ ।