विराटनगर, २७ बैशाख । मोरङको जहदा गाउँपालिका–३ हाथिबन्दाबाट ठुलो मात्रामा गाँजा सहित १ जना पक्राउ परेका छन । प्रहरीले २१८ किलो १७५ ग्राम लागुऔषध गाँजा सहित १ जनालाई पक्राउ गरेको हो ।

जिल्ला प्रहरी कार्यालय मोरङबाट खटिएको प्रहरी टोलीले लागुऔषध गाँजाको ओसार पसार भईरहेको भन्ने बिशेष सूचनाको आधारमा बिहिवार राती साँढे एक बजे पक्राउ गरिएको जनाएको छ ।

प्रहरीले पक्राउ पर्ने जहदा ३ हाथिबन्दाका स्थानीय २४ बर्षीय भगवान किस्कु भएको जानकारी दिएको छ । यस सम्बन्धमा थप अनुसन्धान भईरहेको जिल्ला प्रहरी कार्यालय मोरङले जनाएको छ ।