इनरुवा, ३१ बैशाख । जिल्ला प्रहरी कार्यालय सुनसरीले प्रत्येक महिनाको अन्तिम दिन प्रहरीको जन्मदिन मनाउने गरेको छ । कार्यालय र मातहतमा कार्यरत प्रहरीहरुको महिनाको अन्तिम दिन सोही महिनामा जन्मदिन परेका सवै प्रहरी कर्मचारीहरुको सामुहिक रुपमा जन्मदिन मनाउने गरेको छ ।

आज प्रहरी कार्यालय सुनसरी र मातहत समेतमा कार्यरत प्रहरी कर्मचारीहरु मध्ये बैशाख महिनामा जन्मदिन परेका प्रहरी कर्मचारीहरुको जन्मदिन सामुहिक रुपमा मनाएको हो ।

सुनसरीका प्रमुख जिल्ला अधिकारी जय नारायण अचार्यको प्रमुख आतिथ्यता र प्रहरी प्रमुख विपिन रेग्मीको अध्यक्षतामा बैशाख महिनामा जन्मदिन परेको प्रहरी कर्मचारीहरुको सामुहिक रुपमा केक काटी जन्मदिन (Happy Birthday) मनाएको जिल्ला प्रहरी कार्यालय सुनसरीले जनाएको छ । साथै सुनसरीका प्रजिअ अचार्य र प्रहरी प्रमुख रेग्मीले जन्मोत्सवको उपलक्ष्यमा जन्मदिन परेका सम्पुर्ण कर्मचारीहरुलाई व्यवसायिक र व्यक्तिगत जीवनको सफलताको शुभकामना समेत व्यक्त गरेका छन ।

त्यस्तै इलाका प्रहरी कार्यालय धरानले पनि बैशाख महिनामा जन्मदिन परेका सम्पुर्ण प्रहरी कार्मचारीहरुको जन्मोत्सव मनाएको छ ।