इनरुवा, ८ साउन । कोशी ब्यारेजमा हाम फालेर आत्महत्या गर्न खोजेकी एक महिलालाई प्रहरीले उद्धार गरेको छ ।

मंगलबार दिउसो २ बजेको समयमा महोत्तरी जिल्ला घर बताउने ६५ वर्षीय मन्दीदेवी यादवले ११ नम्बर ढोकाबाट नदीमा हाम फालेकी थिइन ।
कोशी ब्यारेजमा हाम फालेको केही मिनेटमै प्रहरीले ढुङ्गाको सहायताबाट महिलाको सकुशल उद्धार गरिएको प्रहरी चौकी कोशी ब्यारेजका प्रहरी नायब निरीक्षक सुभाषचन्द्र सुनुवारले जानकारी दिए ।

महिलालाई पानीले बगाइरहेको अवस्थामा प्रहरीलाई जानकारी आउने बित्तिकै प्रहरी टोलीले महिलालाई सकुशल उद्धार गरि उपचारको लागि जिल्ला अस्पताल सुनसरी पठाइएको प्रहरी नायब निरीक्षक सुनुवारले बताए ।