इनरुवा, ९ भदौ । सुनसरीको इनरुवा ३ मा रहेको श्रीराधाकृष्ण मन्दिरले श्रीकृष्णजन्माष्ठमीलाई लक्षित गरी मन्दिर क्षेत्रको सरसफाई गरेको छ ।

जिल्ला प्रहरी कार्यालय सुनसरीको टोली र स्थानीय युवाहरुले मन्दिर प्राङ्गन सहित वरीपरी सरसफाई गरेको हो ।

श्रीकृष्णजन्माष्ठमीको अवसरमा श्रीराधाकृष्ण मन्दिरले रथयात्रा निकाल्ने भएको छ । रथयात्राका लागि इनरुवाको विभिन्न स्थानको रुट निर्धारण गरिएको छ ।
युवाहरु उत्साहका साथ यसपटकको श्रीराधाकृष्ण रथयात्रा सफल भव्य बनाउन युवाको समुह सक्रिय रुपमा लागिरहेको रथयात्रा समितिको संयोजक रमेश आचार्यले बताए । उनले बर्षौदेखी चलिआएको परम्परालाई युवा पुस्ताले पनि निरन्तरता दिएको बताए ।

श्रीकृष्ण जन्माष्ठमीमा विहानैदेखी भजनकिर्तन, नाँचगान गर्दै भव्य जन्मोत्सव मनाउने र भोलिपल्ट श्रीराधाकृष्ण रथयात्रा निकालिने श्रीराधाकृष्ण मन्दिर सेवा समितिले जानकारी दिएको छ ।