विराटनगर, २८ भदौ । कोशी सरकारमा सदानन्द मण्डल वन, पयर्टन तथा वतावरण मन्त्री बनेका छन । उनी सुनसरी क्षेत्र न. ४ (क)बाट नेपाली काँग्रेसका तर्फबाट निर्वाचित प्रदेश सासद हुन ।
मुख्यमन्त्री हिकमत कार्की नेतृत्वको कोशी सरकारमा वन मन्त्रालयको नेतृत्व गर्ने अवसर मण्डलले पाएका हुन । आन्तरिक विवादका कारण काँग्रेसले मन्त्री छान्न नसक्दा कोशी प्रदेशमा लामो समयसम्म मन्त्रिपरिषद् विस्तार हुन सकेको थिएन ।
नेपाली काङ्ग्रेसबाट नव नियुक्त मन्त्रीहरूमा खोटाङका भूपेन्द्र राईको नेतृत्वमा १ राज्यमन्त्री र ३ जना मन्त्री पठाएको हो । राई भौतिक पूर्वाधार मन्त्री बनेका छन् ।
नयाँ मन्त्रीमा ताप्लेजुङका खगेनसिङ हाङगाम उद्योग, कृषि तथा सहकारी मन्त्रीमा नियुक्त भएका छन् । भौतिक पूर्वाधार विकास राज्यमन्त्रीमा झापाका भूमिप्रसाद राजवंशी नियुक्त भएका छन् ।
नेपाली काँग्रेसको कोटामा रहेको स्वास्थ्य मन्त्रालयमा भने अझै मन्त्री नियुक्त हुन सकेको छैन । नेपाली काँग्रेस भित्र कुरा नमिल्दा यो मन्त्रालय मुख्यमन्त्रीको जिम्मेवारीमा राखिएको छ।