इनरुवा, १३ असोज । कोशी नदिमा पानीको बहाब घट्दै गएपछि ब्यारेजमा सवारी आवत जावत सुरुचारु भएको छ ।

जिल्ला प्रशासन कार्यालय सुनसरीले पानीको बहाव कम भएकाले कोशी ब्यारेजमा आवत जावत सुचारु गरेको जानकारी दिएको छ ।

आज साँझ ५ बजेबाट आवागमन सुचारु गरेको प्रशासनले जानकारी दिएको छ ।

कोशीमा पानीको बहाव अत्यधिक भएर खतराको संकेत समेत पार गरेकाले प्रशासनले ब्यारेज क्षेत्रमा आवत जावतमा रोक लगाएको थियो । शनिबार साँझ ४ बजेबाट ब्यारेजमा आवागमनमा रोक लगाइएको थियो ।

निरन्तर पानीको बहाव घट्दै गएपछि आवत जावत सुचारु गरिएको जिल्ला प्रशासन कार्यालय सुनसरीले जनाएको छ ।