इनरुवा, १९ चैत । सुनसरीको बराहक्षेत्र २ जब्दीमा केहि दिनयता जंगली हात्तीको आतंक बढेको छ ।
पूर्वी नाकाबाट नेपाल पसेको दूई दर्जनभन्दा बढीको संख्यामा रहेको जंगली हात्तीको समूहले बराहक्षेत्र २ जब्दीमा किसानले लगाएको मकै, गोलभेडा, फर्सी लगायतका बालीमा क्षति गर्ने गरेको छ ।
जंगली हात्तीले रातभर मकै खाएर, कुल्चिएर र लतारेर नष्ट गर्दा लाखौंको क्षति भएको बराहक्षेत्र नगरपालिका २ जब्दीका सुनिता बस्नेतले जानकरी दिईन ।
मकैमा जंगली हात्ती आतंक बढेकाले आफ्नो सात विघा मध्ये एक विघा बढीको क्षेत्रफलमा मकैंबाली क्षति गरेको आदित्य नमो कृषि फर्म बराहक्षेत्र २ का सञ्चालक चन्दन मेहताले बताए ।
फर्मका लागि भाण्डारणका लागि बनाएको स्टोर तथा कामदारका लागि बनाएको भान्सा कोठामा समेत क्षति पु¥याएको बराहक्षेत्र नगरपालिका २ जब्दीमा मकैखेती गर्दै आएका भोक्राहा नर्सिङ गाउँपालिका २ का कृषक चन्दन मेहताले दुखेसो पोखे ।
कृषक मेहताले जंगली हात्ती आतंक बढेकोले स्थानीयहरु रातभर जागग्राम बस्न बाध्य भएको समेत बताए । उनले बालीमा लाखौको क्षती गरेकाले स्थानीय, प्रदेश तथा संघीय सरकारलाई स्थलगत अध्ययन र अनुगमन गरि क्षतीपुर्तीका लागि आग्रह गरे ।