काठमाडौं – स्पेनिस ला लिगा खेलाडी सर्जि रोबर्टोले दुई गोल गरेपछि बार्सिलोना ले घरेलु मैदानमा आयोजित खेलमा अल्मेरिया विरुद्ध ३-२ को कठिन जित हात पारेको छ।

बार्सिलोना ले आफ्नो होम ग्राउन्डमा खेलेको खेलमा दुईपटक अग्रता लिएको थियो, तर अल्मेरियाले बराबरी गोल फर्काउँदै खेल प्रतिस्पर्धात्मक बनाएको थियो।

रफिन्हा ले ३३ मिनेटमा गोल गरेपछि बार्सिलोनाले अग्रता प्राप्त गरेको थियो। तर ४१ मिनेटमा अल्मेरियाका लिओ बाप्टिस्ताओले बराबरी गोल गरेका थिए।

६० मिनेटमा, सर्जि रोबर्टोले रफिन्हा बाट पाएको पासमा गोल गरेपछि बार्सिलोनाले २-१ को अग्रता प्राप्त गरेको थियो। ७१ मिनेटमा, अल्मेरियाले फेरि बराबरी गरेको थियो, जसमा एडगार गोन्जालेजले गोल गरेका थिए।

तर ८३ मिनेटमा, सर्जि रोबर्टोले रोवर्ट लेवान्डोस्कीको पासमा गोल गरेपछि बार्सिलोनाले खेल जितेको घोषणा गरेको थियो।

यस जितपछि, बार्सिलोनाले १८ खेलमा ३८ अंक प्राप्त गरेको छ, र त्यसले लिगमा तेस्रो स्थानमा रहेको छ। बार्सिलोना ६ अंकले लिग लिडर जिरोना र ४ अंकले दोस्रो स्थानमा रहेको रियल मड्रिडबाट पछि छ।