विराटनगर,२ चैत । विराटनगरमा हत्या गरेर फालिएको अवस्थामा किशोरीको शव भेटिएको छ । विराटनगर महानगरपालिका–४ स्थित डेरामा २३ वर्षीया चन्द्रिकाकुमारी दासको शव विभत्स अवस्थामा फेला परेको हो । उनी नोबेल शिक्षण अस्पतालमा कार्यरत स्टाफ नर्स हुन् ।

मोरङ प्रहरीका प्रवक्ता डीएसपी रन्जनकुमार दाहालका अनुसार उनी नोबेल शिक्षण अस्पतालमा कार्यरत स्टाफ नर्स हुन् । डेरा बसेको घरको कोठामा हत्या गरेर शौचालयमा शव फालिएको अवस्थामा शव भेटिएको उनले बताए ।

सिराहाको फुल्काहकट्टी घर भएकी दास अस्पतालनजिक विराटनगर– ४ बुढाथोकी मार्गस्थित धीरेन्द्र गिरीको घरमा डेरा बस्थिइन् । उनी डेरा बस्न थालेको ३–४ महिना मात्रै भएको थियो ।

दासको घाँटी, अनुहारलगायत शरीरका विभिन्न भागमा गहिरो चोट छ । उनीमाथि धारिलो हतियार प्रहार भएको प्रहरीले जनाएको छ ।’ हत्यामा संलग्नको खोजी भइरहेको प्रहरीले जनाएको छ ।